மதுரை மீனாட்சி தாயே!

அன்னை பராசக்தி
சின்னக்கனலெனவே
என்னுள்ளே உறைந்திருக்க
பின்னும் நான் பித்தாகி
மின்னுவதற்கெல்லாம்மயங்கி
எத்தனையோ ஏற்றங்களை
மொத்தமாய்த்தொலைத்துவிட்டேன்
அன்னையவள் பிள்ளையினை
அடையாளம் காட்டியென்னை
அன்புடனேப்பழகிஅறிவுதனைவளர்த்து
முன்னைவினைதீர்த்துக்கொள்ள
முன்னேற்பாடாய் அனுப்பியதை
கண்ணதனின் ஒளி இழந்த
பின்னேதான் உணர்வேனோ?
காட்சியது விரிந்திருக்க
கானல்நீர்தேடி அலைகின்றேன்
மாட்சிமைபொருந்தியவர்களை
அலட்சியத்தில் தவறவிட்டேன்
ஆட்சிஎன்றெனக்குத் தேவையானதெல்லாம்
நிர்தாட்சிண்யமாய் பெற்றுக்கொண்டேன்
மீட்சி தேடி நான் வந்தால் மன
சாட்சி மெல்ல நகைக்கிறதே?தாயே
மீனாட்சி,எனை ஆட்டுவதும் நீயேதான்
வாட்டிவதைப்பதுவும் நீயேதான்!
காட்டி மிகமகழ்ச்சியினில்
வீழ்த்துவதும் நீயேதான்.
கூட்டுமடியார்களிடம் எனை
சேர்த்துவைத்து ,புத்திதனை
வார்த்தசிலைபோலாக்கிடுவாய்
வளர்நகரத்திருமங்கைவடிவான இளநங்கை
மதுரைமீனாட்சிதாயே

	Tweet